काठमाडौं । नेकपा एमालेका वरिष्ठ नेता माधवकुमार नेपालले पार्टीमा तीन वर्षदेखि खिया लागेको भन्दै आफूहरु त्यसलाई सफा गरेर नयाँ चमक दिन लागि परेको बताएता छन् । आफ्नो गुटनिकट युवाहरूको भेलालाई सम्वोधन गर्दै उनले यस्तो बताएका हुन् ।
नेपालले भने, ‘हामीमा खिया लागेको छ, काइ लागेको छ । मुख गन्हाएर हैरान भइसकेको थियो । अब फेरि हामी दाँत माझ्दैछौं । फेरि ब्रसिङ गर्दैछौं । फोहोर मैलालाई टुथ पेष्टले क्लियर गरेर सफा वायूले सास फेर्नेछौं ।’
उनले आफू भोक–निद्राको ख्याल नगरी संघर्षमा हिँडेको बताएका छन् । आफ्नो गुटनिकट युवाहरूको भेलालाई सम्वोधन गर्दै उनले त्याग र बलिदानबाट मात्रै राजनीतिक लक्ष्य पूरा गर्न सकिने धारणा राखे । ‘तपाईंहरुको युवा जोशभन्दा हाम्रो जोश पनि कम छैन,’ नेपालले भने, ‘हामीलाई भोकको चिन्ता, छैन, निद्राको चिन्ता छैन, ज्यानको परवाह छैन । ’
उनले बिहान घरबाटै खाना बोकेर हिँडेको भए पनि व्यस्तताले अहिलेसम्म खान नभ्याएको सुनाए । तर, एक दिन भोकै बस्दैमा केही परक नपर्ने उनको भनाइ थियो ।
‘आन्दोलनका क्रममा कैयौं दिन भोकै हिँडिएको छ । आज एक दिन भाकै भएर केही बिग्रिँदैन । एक किलो वजन घट्ला । त्यसले राम्रै हुन्छ,’ नेपालले भने ।
प्रतिक्रिया दिनुहोस
सफल खबर संवाददाता
शनिबार, ०७ चैत्र २०७७, १४ : ३३
लेखकबाट थप
सम्बन्धित समाचारहरु
हामीलाई कमजोर ठाने सत्ता उलटफेर हुन सक्छ : माधव नेपाल
अध्यक्ष नेपाल र युरोपियन युनियनका नवनियुक्त राजदूतबिच भेटवार्ता
पाँच वर्षसम्म गठबन्धन रहन्छ : माधव नेपाल
चाडपर्वले एकापसमा एकता र सद्भाव कायम गर्छ: अध्यक्ष नेपाल
मौलिक संस्कृतिले नेपाललाई अन्तर्राष्ट्रियस्तरमा सम्पन्न बनाएको छ : माधव नेपाल
विद्यार्थीलाई उत्पादनसँग जोड्ने पाठ्यक्रम कार्यान्वयन गर्न अध्यक्ष नेपालको आग्रह