जनता समाजवादीको बैठक बस्दै, संसदिय दलको नेता चयन गर्ने

सफल खबर संवाददाता

शुक्रबार, २८ फागुन २०७७, ११ : १६
जनता समाजवादीको बैठक बस्दै, संसदिय दलको नेता चयन गर्ने

काठमाडौंं । जनता समाजवादी पार्टी (जसपा)ले आज संसदिय दलको नेता चयन गर्ने भएको छ ।  तत्कालीन राष्ट्रिय जनता पार्टी राजपा र समाजवादी पार्टीबीचको एकीकरणपछि बनेको जसपाले आज संसदीय दलको बैठक बसेर नेता चयन गर्न लागेको हो । 

पार्टी कार्यालय ग्वार्कोमा आज दिउँसो एक बजे बस्ने बैठकले संसदीय दलको नेता टुंगो लगाउने भएको हो । सरकार गठनका लागि निर्णायक शक्ति बनेको जसपाका शीर्ष नेताहरूले आज नेकपा एमालेसँग सत्ता समीकरणका लागि वार्ता गर्दैछ ।

मधेश आन्दोलनका क्रममा लागेका मुद्दा फिर्ता, संविधान संशोधन, सांसद रेशम चौधरीको रिहाइलगायतका विषयमा सरकार सकारात्मक भएपछि आज पनि वार्ता बस्न लागेको हो ।

प्रतिक्रिया दिनुहोस