तनहुँ । जिल्लाको व्यास नगरपालिका–४ स्थित होटल सःसः इनमा गए राति अन्दाजी २ बजेको समयमा आगलागी हुँदा करिब रु ४० लाख बराबरको क्षति भएको छ ।
सोही होटल नजिकै रहेको तरकारी लाइन नजिकैको ट्रान्समिटर पड्किएर उक्त होटलमा आगलागी भएको जिल्ला प्रहरी कार्यालय तनहुँले जनाएको छ । विद्युत् लाइनबाट विद्युत् चुहिएर आगलागी भएको हुनसक्ने प्रहरीको अनुमान छ ।
घटनालगत्तै व्यास नगरपालिकाको दमकल, नेपाल प्रहरी, स्थानीयवासीको सहयोगमा आगो निभाइएको जिल्ला प्रहरी कार्यालय तनहुँका प्रहरी नायब उपरीक्षक युवराज तिमिल्सिनाले बताए ।
होटलको पहिलो तलामा रहेको आगन्तुककक्ष जलेर पूर्णरूपमा क्षति भएको उनले बताए । आगलागीबाट मानवीय क्षति भने भएको छैन । होटलमा रहेको केही पाहुनालाई घरको छतबाट उद्धार गरिएको बताइएको छ ।
प्रतिक्रिया दिनुहोस
रासस
मंगलबार, १८ फागुन २०७७, ०९ : ३३
लेखकबाट थप
सम्बन्धित समाचारहरु
चार वर्षमा आगलागीबाट कर्णालीमा ५५ जनाको मृत्यु
उदयपुरको रौतामा आगलागी, ५० लाखको क्षति
मटिहानी आगलागी ६ घण्टापछि नियन्त्रण, सय घर जलेर सखाप
बिहे घरमा आगलागी हुँदा दुई जना घाइते, ६ लाखको क्षति
तनहुँका २३ सामुदायिक वनमा लागेको डढेलो नियन्त्रणमा
बागलुङमा ३८ वनमा आगलागी: १५ वनको आगो नियन्त्रण बाहिर