थपिए १ सय १२ जना कोरोना संक्रमित, ४ जनाको मृत्यु

काठमाडौँ । पछिल्लो २४ घण्टामा १ सय १२ जना कोरोना संक्रमित थपिएसँगै देशभर संक्रमितको कुल संख्या २ लाख ७३ हजार ९ सय ८४ पुगेको छ ।

स्वास्थ्य तथा  जनसंख्या मन्त्रालयका अनुसार गत २४ घण्टामा ४ जना कोरोना संक्रमितको मृत्यु भएको छ । हालसम्म देशभर कोरोनाबाट ज्यान गुमाउनेको संख्या २ हजार ७ सय ७१ पुगेको छ ।

शुक्रबार ५४ जना कोरोना संक्रमित डिस्चार्ज भएका छन् । हालसम्म डिस्चार्ज हुनेको संख्या २ लाख ७० हजार २ सय ७७ पुगेको छ । हाल देशभर ९ सय ३६ जना सक्रिय संक्रमित रहेका  छन् ।