प्रधानमन्त्री ओली समक्ष महान्यायधिवक्ता खरेलले किन बुझाए राजिनामा ?

सफल खबर संवाददाता

मंगलबार, ११ फागुन २०७७, ११ : ५२
प्रधानमन्त्री ओली समक्ष महान्यायधिवक्ता खरेलले किन बुझाए राजिनामा ?

काठमाडौं । महान्याधिवक्ता अग्निप्रसाद खरेलले प्रधानमन्त्री केपी ओली समक्ष राजिनामा बुझाएका छन् ।  आज बिहान बालुवाटार पुगेका खरेलले प्रधानमन्त्री ओलीलाई ‘म अब काम गर्न सक्दिन’ भन्दै राजिनामा बुझाएको बालुवाटार श्रोतले जनाएको छ ।

Yeti Diistillery Tansen Cement box

राजिनामा बुझाउने क्रममा प्रधानमन्त्री ओली र न्यायधिवक्ता खरेल बिच केही भनाभन र चर्काचर्की पनि भएको श्रोतको दाबी छ । खरेलले राजिनामा बुझाएपछि ओलीले भने त्यसलाई स्वीकृत गरेका छैनन् ।  प्रधानमन्त्री ओलीले खरेलले प्रतिनिधि सभा विघटनको प्रतिरक्षा गर्न नसकेको भन्दै असंतुष्टि व्यक्त गर्दै आईरहेका थिए ।

श्रोतका अनुसार चार पाँच दिन अघि पनि दुवै जना बिच भेटघाट भएको र सो क्रममा पनि दुवै जनाबिच भनाभन भएको थियो । भनाभन पछि बाहिर निस्कने क्रममा खरेलले अन्य उपस्थित नेतासंग म अब महान्यायधिवक्ता भएर काम गर्न सक्दिन, चुनावमा लड्छु भन्दै बालुवाटारबाट फर्किएका थिए । उक्त दिन महान्यायधिवक्ताको जन्म दिन समेत रहेको थियो ।