काठमाडौँ । जनता समाजवादी पार्टीका कार्यकारिणी अध्यक्ष उपेन्द्र यादवले मुलुकमा जारी भेद्भाव र असमानता अन्त्य नभएसम्म सङ्घर्ष जारी रहने बताउनुभएको छ ।
जमिअत उलमाए नेपालद्वारा आज जनकपुरमा आयोजित मुस्लिम समुदायको समस्या तथा समाधान विषयक अन्तरक्रिया र उपेन्द्र यादवद्वारा लिखित ‘नेपालको सन्दर्भमा समाजवादी लोकतन्त्र’ नामक पुस्तकको उर्दू संस्करणको विमोचन कार्यक्रममा उहाँले सो कुरा बताउनुभएको हो ।
अध्यक्ष यादवले मुलुकमा ठूलठूला राजनीतिक परिवर्तन भए पनि शासकीय मानसिकता, प्रशासकीय नजरिया र प्रशासनिक शक्तिमा परिवर्तन हुन नसकेको कारण भेदभाव र असमानता यथावत रहेको उल्लेख गर्र्नुभयो ।
सो अवसरमा मुख्यमन्त्री लालबाबु राउतले मुस्लिम समुदायलाई शिक्षामा जोड दिँदै अशिक्षाकै कारण मुस्लिम समुदाय गरिबी र असमानताको सिकार भएको उल्लेख गर्नुभयो । मुस्लिम समुदायलाई मुलुकको मूलधारमा ल्याउनु आजको आवश्यकता रहेको उल्लेख गर्नुहुँदै उहाँले प्रदेश सरकार त्यसै दिशामा अघि बढेको स्पष्ट पार्नुभयो ।
असगर अली देवानको अध्यक्षतामा भएको उक्त कार्यक्रममा नीति तथा योजना आयोगका उपाध्यक्ष डा भोगेन्द्र झा, साहित्यकार रामभरोस कापडीलगायतका वक्ताहरुले आआफ्ना धारणा प्रकट गर्नुभयो ।
प्रतिक्रिया दिनुहोस
रासस
सोमबार, १० फागुन २०७७, २० : ५३
लेखकबाट थप
सम्बन्धित समाचारहरु
भरतपुर अस्पतालको अनुगमनपछि स्वास्थ्यमन्त्री यादव भन्छन् - जनअपेक्षाअनुसार सेवा दिन सकिएको छैन
उपेन्द्र यादवलाई पदबाट बर्खास्त गर्न माग
स्वास्थ्य सेवालाई सबैको पहुँचमा पुर्याउनु नै चुनौती : स्वास्थ्यमन्त्री यादव
जसपा सरकारमा जाने, स्वास्थ्यमन्त्रीमा उपेन्द्र यादव पक्का
शासक वर्गको उपेक्षाका कारण मधेश पछि पर्यो : अध्यक्ष यादव
शासक वर्गको उपेक्षाका कारण मधेस पछि पर्यो : अध्यक्ष यादव