चुनाव हुँदैन, चुनाव हुनका लागि गरिएको प्रतिगमन नै होइन : अध्यक्ष प्रचण्ड

काठमाडौं । नेकपा अध्यक्ष पुष्पकमल दाहाल प्रचण्डले प्रधानमन्त्री केपी शर्मा ओलीले प्रतिगमनको बाटो पक्रिएको आरोप लगाएका छन् । उनले ओलीले हारिसकेको भन्दै उनले चुनाव गर्नका लागि घोषणा नगरेको पनि बताए । 

चितवनमा पत्रकारहरुसँग कुराकानी गर्दै प्रचण्डले ओलीले संविधान र लोकतन्त्रमाथि प्रहार गरेको भन्दै त्यसविरुद्ध आफूहरु आन्दोलनमा रहेको बताए । 

‘पहिला राजामहाराजाले जे गर्नुभएको थियो अहिले केपी ओलीले त्यही गर्नु भएको छ । उहाँले जतिबेला प्रतिगमनको बाटो पक्रिनु भयो, त्यतिबेला प्रतिक्रिन्तिको बाटो पक्रिसक्नु भयो’, प्रचण्डले भने, ‘उहाँले हारिसक्नु भयो । मतमा हार्नुहुन्छ, व्यवहारमा पनि हार्नुहुन्छ ।’ उनले अगाडि भने, ‘चुनाव हुँदैन, चुनाव हुनका लागि गरिएको प्रतिगमन नै होइन ।’

ओलीले नेपाली जनताले प्राप्त गरेको उपलब्धि धरापमा पारेको भन्दै सबै जनता र बुद्धिजिवि मिलेर ओलीलाई परास्त गर्नुपर्नेमा जोड दिए ।