आजदेखि दोस्रो चरणको खोप, जनप्रतिनिधिदेखि, कर्मचारी र पत्रकारसम्मले लगाउने

काठमाडौँ । सरकारले सरकारी कर्मचारीहरू, सुरक्षाकर्मी, जनप्रतिनिधिहरूलाई आज आइतबारदेखि कोरोनाविरूद्ध खोप दिने भएको छ।

स्वास्थ्य तथा जनसंख्या मन्त्रालयका प्रवक्ता डा जागेश्वर गौतमका अनुसार फागुन २ गतेदेखि ८ गतेसम्म जिल्लास्थित सबै सरकारी कार्यालय, सार्वजनिक संस्थान, बैंकका कर्मचारीलाई खोप दिइनेछ।

यस्तै पत्रकार, स्थानीय तहका जनप्रतिनिधिहरू, सीमा सुरक्षामा खटिएका सुरक्षाकर्मीहरू, पहिला छुट भएका स्वास्थ्यकर्मीहरूले पनि खोप लगाउनेछन् । खोप बिहान १० बजेदेखि अपरान्ह ४ बजेसम्म लगाइने जनाइएको छ ।