हिरासतबाट फरार थुनुवा पक्राउ

काठमाडौँ । जिल्ला प्रहरी कार्यालय जुम्लाको हिरासतबाट शनिबार राति फरार भएका तीन थुनुवालाई पुन: पक्राउ गरिएको छ ।

प्रहरी वरिष्ठ उपरीक्षक माधवप्रसाद काफ्लेका अनुसार हिरासतबाट फरार भएका तीन जनालाई चन्दननाथ नगरपालिका–९ बाट प्रहरीले पक्राउ गरेको हो ।

हिरासतबाटै फरार भएर पक्राउ पर्नेमा सवारी ज्यान मुद्दाका थुनुवा नितेश शाही, कर्तव्य ज्यान मुद्दाका थुनुवा यज्ञ सार्की र खगेन्द्र सुनार छन् ।