काठमाडौँ । कानुन व्यवसायीहरुले प्रधानमन्त्री केपी शर्मा ओलीलाई अवहेलना मुद्दामा अदालतमा उपस्थित गराएर कारबाही गर्नुपर्ने बताएका छन् ।
वरिष्ठ अधिवक्ता कुमार शर्मा र अधिवक्ता कञ्चनकृष्ण न्यौपानेले अदालतमा विचाराधीन मुद्दामा अभिव्यक्ति दिएको भन्दै सर्वोच्च अदालतमा प्रधानमन्त्रीविरुद्ध रिट निवेदन हालेका छन् ।
न्यायाधीश मनोज शर्माको बिहीबार सुनुवाइका क्रममा वरिष्ठ अधिवक्ता दिनेश त्रिपाठीले प्रधानमन्त्रीलाई त्यसै छोड्न नमिल्ने बताए । उनले प्रधानमन्त्रीको बयान लिएर अवहेलना मुद्दामा कारबाही गर्नुपर्ने बताए
उनले प्रधानमन्त्री ओलीलाई स–शरीर उपस्थित गराएर कारबाही गर्नुपर्ने राय प्रकट गरे । अवहेलना मुद्दामा पाकिस्तानमा प्रधानमन्त्रीलाई बर्खास्त नै गरिएको उदाहरण उनले दिएका थिए ।
अधिवक्ता लोकेन्द्र ओलीले पनि प्रधानमन्त्रीलाई अदनलतमा बोलाएर सुनुवाइ हुनुपर्ने बताए । अदालतप्रतिको विश्वास बढाउन पनि अवहेलना गर्नेहरूलाई उपस्थित गराउनुपर्ने उनको राय थियो ।
अधिवक्ता ओमप्रकाश अर्यालले सत्याग्रही गोविन्द केसीलाई अनसनस्थलबाट पक्राउ गरेर ९ घन्टा बयान गराएको भन्दै इजलासमा ओलीलाई बोलाउन माग गरेका थिए । अर्यालले यो फौजदारी अपहेलना भएकाले आफै उपस्थित गराएर लिखित जवाफ पेश गराउन माग गरेका थिए ।
प्रतिक्रिया दिनुहोस
सफल खबर संवाददाता
विहीबार, १५ माघ २०७७, १५ : ५७
लेखकबाट थप