भारत सरकारले अनुदानमा दिएको १० लाख कोरोना खोप नेपाल आईपुग्यो

काठमाडौँ । नेपाल सरकारलाई भारत सरकारले अनुदानमा दिने भनेको १० लाख डोज कोरोना खोप नेपाल आइपुगेको छ । भारतले पठाएको उक्त १० लाख डोज कोरोना खोप आज बिहान काठमाडौं आईपुगेको छ ।

कोरोना खोप लिएर  एअर इन्डियाको विमान बिहान ११ बजेर ५३ मिनेट जाँदा त्रिभुवन अन्तर्राष्ट्रिय विमानस्थलमा अवतर गरेको नेपाल नागरिक उड्‍डयन प्राधिकरणका श्रोतले जानकारी दिएको छ । 

कोरोना खोप रिसिभ गर्न स्वास्थ्यमन्त्री हृदयेश त्रिपाठी र नेपालका लागि भारतीय राजदूत विनयमोहन क्वात्रा विमानस्थलमै पुगेका थिए । बुधबार दिउँसो स्वास्थ्य मन्त्रालयमा आयोजित विशेष पत्रकार सम्मेलनमा स्वास्थ्य मन्त्री हृदयेश त्रिपाठीले भारतले १० लाख डोज कोरोना खोप अनुदानमा उपलब्ध गराएको जानकारी दिएका थिए ।