चितवन । नेपाली काँग्रेस चितवनले जिल्लाका सातै पालिकामा आज बिरोध सभा सम्पन्न गरेको छ । काँग्रेसको केन्द्रीय कार्यक्रम अनुसार आज सबै पालिकामा बिरोध सभा सम्पन्न गरिएको हो ।
भरतपुर महानगरपालिकामा बरिष्ठ नेता रामचन्द्र पौडेलसहित अन्य पालिकामा केन्द्रीय तथा जिल्ला स्तरीय नेताहरुले सम्बोधन गरेका छन् ।
काँग्रेस चितवनको प्रदर्शनीमा वरिष्ठ नेता रामचन्द्र पौडेल, केन्द्रीय सदस्य महेश आचार्य, धनराज गुरुङ, डिला संग्रौलासहितका केन्द्रीय नेताहरुले सम्बोधन गरे । भरतपुर महानगरपालिकामा भएको बिरोध सभालाई काँग्रेस केन्द्रीय सदस्य डिला संग्रौलाले सम्बोधन गरेकी थिइन् ।
राप्ती नगरपालिकाको भण्डारामा र रत्ननगरको बकुल्लहरमा महेश आचार्यले सम्बोधन गरे । खैरहनीको पुरानो पर्सामा धनराज गुरुङले सम्बोधन गरे । कालिकाको भिमोदय चोक पदमपुरमा नेपाली काँग्रेस चितवनका सचिब उत्तम जोशीले सम्बोधन गरे ।
माडीको बसन्तपुरमा र ईच्छाकामनाको मुग्लिन बजारमा भएको सभालाई जिल्ला स्तरका नेताहरुले सम्बोधन गरेको काँग्रेस चितवनका सभापति जीतनारायण श्रेष्ठले जानकारी दिए ।
सरकारले संसद बिघटन गरेको बिषयलाई लिएर काँग्रेसले चरणवद्ध आन्दोलनको घोषणा गरेर जनतामाझ गएको हो । यसअघि काँग्रेसले जिल्ला स्तरीय, प्रतिनिधि सभा, प्रदेश सभा हुँदै पालिका तहमा बिरोध सभा गर्न लागेको हो । सरकारको असंबैधानिक कदमको बिरोधमा आन्दोलन गर्दै आएको काँग्रेसले माघ ८ गते जिल्लाको ९८ वटै वडामा बिरोध प्रदर्शन गर्दै छ ।
प्रतिक्रिया दिनुहोस
सफल खबर संवाददाता
शनिबार, ०३ माघ २०७७, १७ : ५४
लेखकबाट थप
सम्बन्धित समाचारहरु
रुसी सेनामा गएका नेपालीको अवस्थाबारे परराष्ट्रले जवाफ दिनुपर्छ : प्रदीप पौडेल
एमालेलाई देउवाको प्रश्न : मदन भण्डारीको हत्यारा पत्ता लगाउन काँग्रेसले रोक्या छ ?
देउवाले बोलाए शीर्ष नेताहरूको बैठक
कांग्रेस सहकारी पिडितको पक्षमा दृढतापूर्वक उभिन्छ, सरकार गैरजिम्मेवार भयो : देउवा
पहिचानको मुद्दालाई कांग्रेसले सम्हालेर अगाडि बढाउँछ : महामन्त्री थापा
सहकारी पीडितप्रति सरकार गैरजिम्मेवार भएको कांग्रेसको ठहर