कोरोनाको खोपलाई भारतमा २ सयदेखि २९५ रूपैयाँसम्म

एजेन्सी

बुधबार, २९ पुस २०७७, ०७ : ५५
कोरोनाको खोपलाई भारतमा २ सयदेखि २९५ रूपैयाँसम्म

एजेन्सी । भारतमा कोरोनाविरुद्धको प्रति खोपलाई २ सयदेखि २ सय ९५ रूपैयाँसम्म पर्न सक्ने अनुमान गरिएको छ। केन्द्रीय स्वास्थ्य सचिव राजेश भूषणले प्रत्येक खोपको खर्च २ सयदेखि २ सय ९५ रूपैयाँसम्म पर्न सक्ने मङ्गलबार जानकारी दिएका हुन्।

Yeti Diistillery Tansen Cement box

भारतमा कोभिशिल्ड र कोभ्याक्सीन गरी दुई वटा खोप आपत्कालीन अवस्थामा प्रयोग गर्न आधिकारिक निकायले अनुमति दिएको छ। भारतले अहिलेसम्म कोरोनाभाइरसविरुद्धको ५४ लाख खोप भण्डारण गरेको स्वास्थ्य मन्त्रालयका अधिकारीहरूले जनाएका छन्। पहिलो चरणमा यो खोप देशका विभिन्न ठाउँमा वितरण गरिने छ।

भारतमा यही जनवरी १६ तारिखदेखि कोरोनाविरुद्धको खोप लगाउन सुरु गर्ने तयारी भइरहेको महानिर्देशक भूषणले जानकारी दिए। भारत सरकारले गत सन् २०२० को मे महिना अगाडि नै कोरोनाभाइरस विरुद्धको खोप विकास गर्न वैज्ञानिक तथा अनुसन्धानकर्ताहरूलाई खटाएको थियो। उनीहरूले नै यसको विकास गरेका हुन्। 'कूल ११० लाखको सङ्ख्यामा कोभिशिल्ड खोप उत्पादन गर्ने कार्य भइरहेको छ, यो काम सेरम इन्ष्टीच्यूड अफ इन्डीया (एसआईआई) ले गरिरहेको छ,' भूषणले भने।  

त्यसैगरी अर्को खोप कोभ्याक्सीन ५५ लाखको सङ्ख्यामा उत्पादन गर्ने कार्य भइरहेको पनि उनले जानकारी दिए। यो भने भारत बायोटेक इन्टरनेशनल लिमिटेड ९बीबीआईएल०ले गरिरहेको हो। त्यसका लागि प्रतिखोप २९५ रूपैयाँ लाग्ने बताइएको छ। दुवै खोप यही जनवरी १४ सम्ममा सरकारलाई प्राप्त भइसक्ने र त्यसको दुई दिनपछि लगाउन थाल्ने सरकारको योजना रहेको छ।