युवराजको इन्ट्रीले शंकरलाई तनाव

काठमाडौं । विभाजनको संघारमा रहेको सत्तारुढ नेकपाभित्र एक सूमहले अर्कोलाई कारबाही गर्ने श्रृंखला बढ्दो छ । यसैक्रममा प्रचण्ड–नेपाल समूहको निशानामा लुम्बिनी प्रदेशका मुख्यमन्त्री शंकर पोखरेल पनि परेका छन् । 

उनलाई नेकपाको लुम्बिनी प्रदेशको इन्चार्जबाट हटाएर प्रचण्ड–नेपाल समूहले युवराज ज्ञवालीलाई जिम्मेवारी दियो । पछिल्लो केही समययता पार्टी राजनीतिमा भूमिकाविहीन जस्तै बनेका ज्ञवाली पुनः सक्रिय राजनीतिमा फर्किएका हुन् । तर प्रचण्ड–नेपाल समूहको कारबाहीसँगै कुनै समय एक अर्काका कट्टर प्रतिस्पर्धी फेरि आमनेसामने बनेका छन् । 

अन्तरसंघर्षको तीन दशक लामो अवधि पूरा गरेका प्रतिस्पर्धी ज्ञवाली र पोखरेल अहिले फरक फरक गुटको नेतृत्व गर्दै जुघ्न आइपुगेको खबर नागरिक दैनिकमा छापिएको छ । ज्ञवालीको निस्क्रियतापछि दाङको कम्युनिस्ट आन्दोलनमा विकल्पिविहीन नेताका रुपमा रहेका पोखरेललाई उनको पुनरागमन तगारो बन्न सक्ने आँकलन गरिएको पनि समाचारमा उल्लेख छ ।