माघबाट ‘कमेडी च्याम्पियन सिजन–२’ सुरु

सफल खबर संवाददाता

विहीबार, ०२ पुस २०७७, १२ : १४
माघबाट ‘कमेडी च्याम्पियन सिजन–२’ सुरु

काठमाडौं । रियालिटी शो ‘कमेडी च्याम्पियन सिजन–२’ आउदो माघबाट प्रसारणमा आउने भएको छ । स्ट्याण्ड–अप कमेडीमा आधारित यो रियालिटी शोका निर्देशक विशाल भण्डारी रहेका छन् ।

कान्तिपुर टेलिभिजनबाट प्रसारण हुने शोको अहिले अडिसन चरणको छायाँंकन सुरु भएको छ । कार्यक्रममा सहभागिता जनाउनका लागि ६ हजार भन्दा बढी सहभागिले अनलाईन मार्फत डिजिटल अडिसन दिएको निर्देशक भण्डारीले जानकारी दिए ।

डिजिटल अडिसनका लागि प्राप्त भिडियाको प्रारम्भिक मूल्यांकनपछि १ सय ८० जना प्रतिस्पर्धिहरुलाई सामाजिक दुरी पालना गर्दै भौतिक अडिसनका लागि बोलाइएको छ । 

पुस १ गते बुधवारदेखि सुरु भएको अडिसन शनिवारसम्म चल्नेछ ।
अघिल्लो सिजनकै निर्णायकहरु सन्तोष पन्त, मनोज गजुरेल, प्रदीप भट्टराई तथा ऋचा शर्मा नै यो सिजनमा पनि निर्णायकको रुपमा रहेका छन् ।

केकी अधिकारी निर्मात्री रहेको यो कार्यक्रम रीमा विश्वकर्माले सञ्चालन गर्नेछिन् ।

प्रतिक्रिया दिनुहोस