राप्रपा अध्यक्ष थापाको कटाक्ष : ‘नेकपाभित्र भइरहेको गाईजात्राले राजतन्त्र पक्षधरलाई समेत लाज लाग्यो’

काठमाडौं । राप्रपा अध्यक्ष कमल थापाले सरकारको नेतृत्वकर्ता दल नेकपाभित्र भइरहेको राजनीतिक खिचातानीप्रति  कटाक्ष गरेका छन् । 

उनले टिप्पणी गरेका छन्–‘नेकपाभित्र भइरहेको गाईजात्राले राजतन्त्र पक्षधरलाई समेत लाज लाग्ने अवस्था आएको छ ।’ नेकपा अध्यक्ष एवं प्रधानमन्त्री केपी शर्मा ओली र अर्का अध्यक्ष पुष्पकमल दाहाल ‘प्रचण्ड’लाई मेन्सन गरेर सामाजिक सञ्जाल ट्विटरमा सन्देश लेख्दै थापाले हिमालय पर्वत जस्तो व्यक्तित्व खिया लागेर धुलिसात भएको टिप्पणी गरेका छन् ।

ट्वीट गर्दै उनले भनेका छन्–‘अब अतिभो, गाईजात्रा बन्द गर्नुहोस् । हामी जस्ता राजसंस्था सहितको लोकतन्त्र पक्षधरलाई समेत लाज लाग्ने गरी गणतन्त्रको धज्जी नउडाउनुहोेस् । हिजो हिमालय पर्वत जस्तो भिमकाय तपाईंहरूको व्यक्तित्व खिया परेर अहिले धुलिसात भैसक्यो । कमसेकम लोकलज्जाको त ख्याल राख्नोस् ।’