फेसबुकमार्फत बालिकालाई अश्लील सन्देश पठाउने पक्राउ

काठमाडौं । सामाजिक संजाल फेसबुकमा अर्काको नामको आइडी बनाएर नाकालिका हरुलाई अश्लील तस्बिर र सन्देश पठाउने युवालाई प्रहरीले पक्राउ गरेको छ ।

पक्राउ पर्नेमा सिन्धुपाल्चोका चौतारा साँगाचोकगढी नगरपालिका–४ घर भएका २० वर्षीय अखिल नेपाली छन् । साइबर व्यूरोको टोलीले उनलाई काठमाडौंबाट पक्रेको हो ।

बालिकाहरुलाई यौनजन्य अश्लील म्यासेज र फोटो पठाएर हैरानी दिने नेपालीमाथि विद्युतीय कारोबार ऐन–०६३ को दफा ४७ अनुसार अनुसन्धान भइरहेको ब्यूरोले जनाएको छ ।

यौन अश्लीलताजन्य सामग्री पोष्ट गरेर अपमान र हैरानी गर्नु गैरकानुनी हुन्छ ।