सरकारको संघीयता समाप्त पार्ने षड्यन्त्र : यादव

पत्रपत्रिकाबाट

बुधबार, २६ कार्तिक २०७७, ०७ : ४२
सरकारको संघीयता समाप्त पार्ने षड्यन्त्र : यादव

जनकपुर । जनता समाजवादी पार्टीका अध्यक्ष उपेन्द्र यादवले केपी ओली नेतृत्वको सरकारले मुलुकबाट संघीयता र गणतन्त्र समाप्त पार्ने षड्यन्त्र गरिरहेको आरोप  लगाएका छन् । उनले ओली सरकारले संघीय लोकतान्त्रिक गणतन्त्रलाई चुनौती दिने काम गरेको पनि बताए । 

‘कोरोना महामारीले मुलुक थलिएको छ । यस्तो बेला जनताको स्वास्थ्यको ख्याल राख्नुपर्ने सरकारले राजनीति चलखेल गरिरहेका छन्,’ मंगलबार जनकपुरमा आयोजित पार्टी प्रवेश कार्यक्रममा नेता यादवले भने, ‘संघीयता र गणतन्त्रसँग खेलवाड गर्न खोजे सरकारविरुद्ध सबै मोर्चामा लड्न तयार छौं ।’ उनले जनताको जिउधनको सुरक्षा गर्न नसक्ने सरकारको आवश्यकता नरहेको समेत बताए । कान्तिपुर दैनिकमा खबर छ । 

प्रतिक्रिया दिनुहोस