पछिल्लो २४ घण्टाको कोरोना अपडेट : संक्रमित २३६४, निको ३०३८

काठमाडौं । नेपालभर पछिल्लो २४ घण्टामा २३६४ जनामा कोरोना भाइरस संक्रमण भेटिएको छ । सोही समयमा देशभर ३०३८ जना निको भएर घर फर्केका छन् । स्वास्थ्य तथा जनसंख्या मन्त्रालयका अनुसार ९७६९ जनाको पीसीआर परीक्षण गर्दा १३८० पुरुष र ९८४ महिलामा कोरोना  संक्रमण पुष्टि भएको हो ।

योसँगै नेपालमा कोरोना संक्रमितको कुल संख्या १ लाख ६४ हजार ७१८ पुगेको छ भने १ लाख २४ हजार ८३२ जना निको भएका छन् । हाल देशभर ३८ हजार ९५२ जना सक्रिय संक्रमित रहेका छन् । यस्तै कोरोनाबाट मृत्यु हुनेको संख्या ९०४ पुगेको छ । पछिल्लो २४ घण्टामा थप १७ जनाको मृत्यु भएको छ ।