कोरोना संक्रमणबाट काठमाडौँमा सैनिक जवानको मृत्यु

सफल खबर संवाददाता

शनिबार, १० असोज २०७७, १४ : १७
कोरोना संक्रमणबाट काठमाडौँमा सैनिक जवानको मृत्यु

काठमाडौँ । बझाङ जिल्ला घर भई काठमाण्डौं उपत्यकामा कार्यरत एक सैनिक जवानको कोरोना संक्रमणको कारण वीरेन्द्र अस्पताल छाउनीमा उपचारको क्रममा मृत्यु भएको छ । 

CG Developers Tansen Cement box

गत मंगलबार छारे रोगको लक्षण देखिएका ती सैनिक जवानलाई आकस्मिक रुपमा सघन उपचार कक्षमा भर्ना गरी उपचार गर्दागर्दै निजको मृत्यु भएको सैनिक जनसम्पर्क तथा सूचना निर्देशनालयले जनाएको छ । 

कोरोना संक्रमणबाट मृत्यु भएका सैनिकको गत बिहीबार स्वाव परिक्षण गर्दा कोभिड–१९ पोजेटिभ देखिएको थियो । यससँगै नेपाली सेनामा कोरोना भाइरस (कोभिड १९) को  कारण मृत्यु हुनेको संख्या दुई पुगेको छ ।

अहिलेसम्म नेपाली सेनामा कुल संक्रमित संख्या २ हजार १ सय ९७, निको भएकाहरुको संख्या ५ सय ३९ र सक्रिय संक्रमित संख्या १ हजार ६ सय ५६ पुगेको छ ।