CG Landmark
कोरोना भाइरस

कोरोनाविरुद्धको भ्याक्सिन ‘स्पुतनिक भी’ को तेस्रो चरणको क्लिनिकल ट्रायल यसै साता

एजेन्सी

शनिबार, २७ भदौ २०७७, १३ : ५१
कोरोनाविरुद्धको भ्याक्सिन ‘स्पुतनिक भी’ को तेस्रो चरणको क्लिनिकल ट्रायल यसै साता

फाइल फोटो

एजेन्सी । रूसले उत्पादन गरेको कोरोनाविरुद्धको भ्याक्सिन ‘स्पुतनिक भी’ को तेस्रो चरणको क्लिनिकल ट्रायल यसै साता सुरू हुने भएको छ । यो भ्याक्सिनको तेस्रो चरणको क्लिनिकल ट्रायल यसै साता सुरू हुने रूसी स्वास्थ्य मन्त्रालयले जानकारी दिएको छ ।

रूसले यो भ्याक्सिन संसारभर उपलब्ध गराउन चाहेको समेत बताएको छ । रसियन डाइरेक्ट इन्भेस्टमेन्ट फन्डका प्रमुख कार्यकारी किरिल दिमित्रिभ भन्छन्, ‘‘हामी बिना कुनै भेदभाव सबै मुलुकमा स्पुतनिक भी पुर्‍याउन चाहन्छौं । यो भ्याक्सिन अन्य मुलुकसँग सहकार्यमा पनि बनाउन सकिन्छ। हामी कुनै पनि मुलुकसँग काम गर्न तयार छौं ।’

Yeti Diistillery Tansen Cement box

स्पुतनिक भीलाई रूसी स्वास्थ्य मन्त्रालयले अगस्ट ११ का दिन रजिस्टर गरेको थियो । रजिस्टर हुने संसारकै पहिलो कोरोनाविरुद्धको भ्याक्सिन पनि त्यही बन्न सफल भएको थियो ।

रूसले आफ्ना नागरिकलाई संसारकै पहिलो भ्याक्सिन स्पुतनिक भीको पहिलो ब्याच जारी गरिसकेको छ । रूसी स्वास्थ्य मन्त्रालयका अनुसार यो भ्याक्सिनको स्तरीयता जाँच सम्पन्न भइसकेकाले सर्वसाधारणमा जारी गरिएको हो ।