पहिलो चरणको आन्तरिक उडान काठमाडौंबाट हिमाली र पहाडी जिल्लामा मात्र हुने

सफल खबर संवाददाता

मंगलबार, ०९ भदौ २०७७, १७ : २७
पहिलो चरणको आन्तरिक उडान काठमाडौंबाट हिमाली र पहाडी जिल्लामा मात्र हुने

काठमाडौं । सरकारले आन्तरिक उडान सुरु गर्ने तयारी थालेको छ । सरकारले पहिलो चरणमा आन्तरिक उडान काठमाडौंबाट हिमाली र पहाडी जिल्लामा मात्र हुने भएको छ ।

निजी क्षेत्रका वायुसेवा कम्पनीसँग पहिलो चरणमा आन्तरिक उडान काठमाडौंबाट हिमाली र पहाडी जिल्लामा मात्र हुने गरी छलफल थालिएको संस्कृति, पर्यटन तथा नागरिक उड्डयनमन्त्री योगेश भट्टराईले जानकारी दिए । तराईमा तत्काल उडान खोल्ने तयारीमा सरकार पुगेको छैन । 

पहाड र हिमाली भेगका विमानस्थलमा उडान खोल्ने गरी मन्त्रिपरिषदमा प्रस्ताव जाँदैछ । अन्तर्राष्ट्रिय उडान भने १६ भदौबाट खुल्नेछ । सरकारले पीसीआर परीक्षण सहज हुने मुलुकमा मात्र पहिलो चरणमा उडानको अनुमति दिनेछ । 

अन्य मुलुकमा भने चार्टर्ड जहाज पठाएर नेपालीको उद्धार हुने जनाइएको छ । १५ भदौपछि अधिकतम् प्रतिदिन ५ सय जनाले नेपाल आउने अनुमति पाउनेछन् ।

परिस्थिति सामान्य बन्दै गएपछि यो संख्या क्रमशः बढाइने मन्त्री भट्टराई जानकारी दिए । नेपालमा १० चैतबाट सबै प्रकारका व्यवसायिक उडान बन्द छन् ।

प्रतिक्रिया दिनुहोस