काठमाडौं । चिनसँग सिमा जोडिएको सिन्धुपाल्चोक जिल्लामा भीषण पहिरो गएको छ । जिल्लाको जुगल गाउँपालिका २ लिदिमा बिहान ४ वजे भीषण पहिरो जाँदा एकै गाउँका २२ घर पुरिएको बताईएको छ ।
पहिरोमा धेरै मान्छे हताहत भएको आशंका गरिएको छ । शुक्रबार बिहान करिब चार बजे पहिरो गएको सिन्धुपाल्चोकका प्रहरी प्रमुख एसपी प्रज्वल महर्जनले सफलखबरलाई टेलिफोनमा दिएको जानकारी अनुसार, अहिले घटनास्थलमा प्रहरीका उद्दार टोली जादै गरेको छ । जिल्लाको दुर्गम क्षेत्रमा पर्ने घटनास्थलमा २२ घर पुरिएको जानकारी आफुलाई आएको भन्दै उनले प्रहरी केही समय पछि पूग्ने जानकारी दिए ।
२२ वटा घर पुरिएको र पहिरो बिहानै ४ बजे नै गएका कारण घरमा सुतिरहेके धेरै मानिसहरु हताहत भएको हुन सक्ने अनुमान गरिएको छ । तर त्यहाँको वास्तविकता अझै आईसकेको छैन । एसपी महर्जनले घटनास्थलमा अहिले प्रहरी निरीक्षकको नेतृत्वमा कात्तिके र जलवीरे प्रहरी चौकीबाट प्रहरी टोली खटाईएको बताए ।
जुगल गाउँपालिकाका योजना अधिकृत रामबाबु नेपालले भने पहिरोमा १३ ओटा घर पुरिएको खबर आएको जानकारी दिए । ‘१३ वटा घर पुरिएर देखिँदै देखिँदैन, पाँच घर परिवारका सदस्यहरु सम्पर्कमा हुनुहुन्न ।
ती पाँच घर परिवारमा कति जना सदस्य हुनुहुन्थ्यो भन्ने पनि पत्ता लागेको छैन ।’ उनले भने । ०७२ सालमा भूकम्प गएपछि सिन्धुपाल्चोकका जमिन एकदमै धजा फाटेको कारण पनि त्यहा प्राकृतिक विपत्तिले पिरोल्दै आएको छ ।
प्रतिक्रिया दिनुहोस
सफल खबर संवाददाता
शुक्रबार, ३० साउन २०७७, ०८ : ४७
लेखकबाट थप
सम्बन्धित समाचारहरु
पहिरो खसेपछि बेँसीसहर–चामे सडक अवरुद्ध
कालीगण्डकी करिडोरमा सुक्खा पहिरो, सडक अवरुद्ध
सुक्खा पहिरोले कालीगण्डकी करिडोर अवरुद्ध
अफगानिस्तानमा पहिरो जाँदा २५ जनाको मृत्यु
फिलिपिन्समा पहिरोः ५ जनाको मृत्यु, ४५ को सकुशल उद्धार
घ्याप्चे पहिरोको जोखिममा बस्ती