तनहुँ । दुवै मिर्गौला प्रत्यारोपण गर्नुपर्ने अवस्थामा रहेका पत्रकार राजु श्रेष्ठको उपचारका लागि देश विदेशबाट आर्थिक सहयोग जुट्न थालेको छ ।
बिहीबार मात्रै अष्ट्रेलियामा रहँदै आएका तनहुँवासीद्वारा गठित संस्था अष्ट्रेलिया समाजले पत्रकार श्रेष्ठको उपचारका लागि १ लाख ८१ हजार ४ सय ५ रुपैयाँ सङ्कलन गरी पठाएको रकम हस्तान्तरण गरिएको छ ।
उक्त रकम सामाजिक अभियानकर्मी लक्ष्मीभक्त खनाल, सरोज भण्डारी, मनबहादुर रुचाललगायतका व्यक्तिले मिर्गौलापीडित श्रेष्ठको घर चितवन पुगेर हस्तान्तरण गरे ।
अष्ट्रेलिया रहेका विद्यार्थी तथा व्यावसायिक नेपाली नागरिकको सहयोगमा दिनेश खनाल अध्यक्ष रहेको अष्ट्रेलिया तनहुँ समाजले उक्त सहयोग रकम सङ्कलन गरेर पठाएको हो ।
तनहुँका विभिन्न पत्रिका तथा टिभी र सामाजिक सञ्जालमार्फत मिर्गौलापीडित राजु श्रेष्ठको जीवनरक्षाको खबर पाएसँगै सहयोगका लागि रकम सङ्कलन गरी पठाइएको समाजका महासचिव सूर्य खनालले बताए ।
उपचारका लागि हालसम्म करिब २२ लाख रुपैयाँ सहयोग सङ्कलन भइसकेको पत्रकार श्रेष्ठले जानकारी दिए । अहिले डायलायसिस गर्न थालेको उनले बताए ।
१ हजारदेखि माथि प्रायः दैनिकजसो बैंक खातामा सहयोग रकम जम्मा हुँदै आएकाले पतिलाई बचाउन सक्छु भन्ने आत्मबल बढ्दै गएको उनकी पत्नी बिमायाले जानकारी दिइन् ।
प्रतिक्रिया दिनुहोस
रासस
विहीबार, २२ साउन २०७७, १२ : २५
लेखकबाट थप
सम्बन्धित समाचारहरु
विश्व बैंकले नेपाललाई २०० मिलियन डलर सहयोग गर्ने
नेपाल क्रिकेट संघ क्यानले गर्यो भूकम्प पीडितलाई २० लाख सहयोग
चेपाङ संरक्षण केन्द्रका बालबालिकालाई खाद्यान्न र स्टेशनरी सहयोग
चौरासी पूजाको खर्च कटाएर विद्यालयलाई चार लाख सहयोग
प्रदेश सरकारद्वारा इजरायलमा मारिएका विद्यार्थीका परिवारलाई जनही २ लाख सहयोग
भूकम्प पीडितलाई युनिलिभर नेपालद्वारा एक करोड सहयोग