काठमाडौंको कालोपुलमा मोटरसाइकल दुर्घटना हुँदा एक जनाको मृत्यु

काठमाडौं । काठमाडौँमा मोटरसाइकल दुर्घटना हुँदा एक जनाको मृत्यु भएको छ । मृत्यु हुनेमा चाबहिल बस्ने दोलखाका ३० वर्षीय तासी शेर्पा रहेका छन् ।

प्रहरी प्रधान कार्यालय अनुसार काठमाडौं महानगरपालिका–७ कालोपुलस्थित सडकमा बा ६७ प ४८१८ नम्बरको मोटरसाइकल अनियन्त्रित भई आज बिहान दुर्घटना भएको हो ।

दुर्घटनामा गम्भीर घाइते भएका शेर्पाको उपचारका क्रममा राष्ट्रिय ट्रमा सेन्टरमा आज बिहान मृत्यु भएको हो ।