CG Landmark

दरबारमार्ग प्रहरी वृत्तमा कार्यरत ड्राइभरलाई आएको थियो सुन तस्करीको सूचना, युनुसको संलग्नता

पत्रपत्रिकाबाट

शुक्रबार, १६ साउन २०७७, ०८ : २३
दरबारमार्ग प्रहरी वृत्तमा कार्यरत ड्राइभरलाई आएको थियो सुन तस्करीको सूचना, युनुसको संलग्नता

काठमाडौं । काठमाडौंको कमलादीमा बरामद भएको नक्कली सुनसँग भारतीय जाली नोटको तस्करीमा संलग्न युनुस अन्सारीको संलग्नता खुलेको छ। भारतीय नक्कली नोटको तस्करी कसुरमा केन्द्रीय कारागारमा कैद सजाय भोगिरहेका अन्सारीले सहयोगीमार्फत सुन तस्करी गरेको खुलेको हो।

काठमाडौंको सुन्धाराबाट मंगलबार बिहान नक्कली सुन बरामद गरेको प्रहरीले अन्सारीका सहयोगी इन्साद हुसेनको गाडी नख्खीपोटस्थित अन्सारीकै घरनजिकको एक घरमा पार्किङ गरिरहेको अवस्थामा फेला पारेको थियो। ‘प्रहरीले गाडी फेला पारेपछि गाडी नम्बर र गाडी धनी ट्रेसिङ गर्ने क्रममा हुसेनको भएको थाहा पायो।

Yeti Diistillery Tansen Cement box

गाडी बरामद गरिएको स्थान पनि अन्सारीकै घरनजिक थियो’, अनुसन्धानमा संलग्न एक प्रहरी अधिकारीले भने, ‘हामीले अन्सारीसँग यो विषयमा बुझिरहेका छौं।’ प्रहरीले बरामद गरेको बा६च ५५१९ नम्बरको गाडी बाराका हुसेनको भएको पाइएको थियो। त्यसपछि प्रहरीले अन्सारीसँगको कनेक्सन खोजी गरेको थियो।  

प्रहरीले बारा स्थायी घर भए पनि वीरगन्ज बस्दै आएका हुसेनको खोजी गरिरहेको छ। प्रहरीलाई सुनको पोको भन्दै दिएर हिँडेका देवानसिंह पटेल, मिदेश सकिया र सञ्जय पटेलले यो सबै काम हुसेनको भएकाले आफूहरुलाई अन्य जानकारी नभएको र गाडी अन्सारीकै घरनजिक भएको बताएपछि अनुसन्धानको सुई अन्सारीतर्फ मोडिएको थियो। हुसेनको गाडी पार्किङ गरेर नवलपरासी पुगेका देवानसिंहसमेतका तीनजनालाई पक्राउ गरी काठमाडौं ल्याएपछि अन्सारीको संलग्नता खुलेको प्रहरीले जनाएको हो।  

दरबारमार्ग प्रहरी वृत्तमा कार्यरत ड्राइभर बहादुरसिंह कठायतलाई कौशल पटेल भन्ने व्यक्तिले सुन आउँदैछ भन्ने सूचना दिएका थिए। कठायतले सादा पोसाकमा काम गर्ने प्रहरी जवान प्रसन श्रेष्ठलाई दिएको सूचना डिएसपी रञ्जन दाहालसम्म पुगेको थियो। कठायतसँग सुराकी पटेलको लामो सम्बन्ध रहेको देखिएको छानबिन समितिले जनाएको छ। उनीहरुको  लामो सम्बन्ध रहेका कारण १५ किलो सुन बरामद हुने अपेक्षासहित कमलादीमा चेकजाँचमा डिएसपी दाहाल आफैं बसेका थिए तर उनले गाडी समात्न सकेनन् । नागरिक दैनिकमा खबर छ ।

प्रतिक्रिया दिनुहोस