साँझ ७ देखि बिहान ७ सम्म काठमाडौं उपत्यका प्रवेशमा रोक

काठमाडौं । गृह मन्त्रालयले काठमाडौं उपत्यका प्रवेश गर्ने नाकामा थप कडाइ गरेको छ ।  गृह मन्त्रालयले १५ साउनबाटै लागू हुने गरी साँझ ७ बजेदेखि विहान ७ बजेसम्म उपत्यका प्रवेश नाकामा यात्रु आवागमनमा रोक लगाएको हो ।

उपत्यका बाहिरका जिल्ला प्रशासन कार्यालयहरुले पनि अत्यावश्यक काममा बाहेक अन्तर जिल्ला सवारी आवागमन पास जारी नगर्न र पास बिना आवागमन पूर्ण रुपमा बन्द गर्न मन्त्रालयले निर्देशन दिएको छ । निर्णय कार्यान्वयन गर्न सुरक्षा निकाय र जिल्ला प्रशासन कार्यालयलाई गृहले  ‘विशेष निर्देशन’ दिएको छ ।