एप्समार्फत सार्वजनिक सम्पत्ति खोज्दै सरकार

काठमाडौं । आफ्नै सम्पत्तिबारे पत्तो नपाएको सरकार अन्ततः एप्स नै बनाएर सार्वजनिक सम्पत्तिको खोजीमा जुटेको छ । 

सरकारी आयव्ययको हिसाब राख्ने महालेखा नियन्त्रकको कार्यालयले सार्वजनिक सम्पत्तिको अभिलेखीकरण गर्न भन्दै सार्वजनिक सम्पत्ति व्यवस्थापन प्रणाली (पीपीएमएस) नामक एप्स बनाएर सरकारी सम्पत्तिको खोजीमा जुटेको हो । 

चालू आर्थिक वर्षदेखि सञ्चालनमा ल्याइएको उक्त प्रणाली आगामी असोजदेखि पूर्ण रूपमा कार्यान्वयनमा ल्याउने महालेखाको योजना छ । पीपीएमएसे प्रणालीले देशभरीको सार्वजनिक सम्पत्तिको अभिलेख राख्दै यसको मूल्य, सरकारको दायित्व आदिका बारेमा पनि सूचना राख्छ ।

उक्त प्रणाली कार्यान्वयनमा आएपछि सार्वजनिक सम्पत्तिको दुरुपयोग हुने जोखिम कम हुने महालेखा नियन्त्रक गोपीनाथ मैनालीले बताए । कारोबार दैनिकमा खबर छ ।