उर्लेको नारायणी नदी (तस्बिरहरु)

चितवन । उर्लेको नारायणी नदीको  बहाब अझै घटेको छैन । नारायणी नदीको बहाब आज बिहान  ९ दशमलव ९१ मिटर पुगेको थियो । 

यस बहाबलाई दुई दशक यताकै ठूलो मानिएको छ । नदीको बहाब बढेपछि नारायणी नदी किनारमा हेर्ने दर्शकको ठूलो भीड लागेको छ । नारायणी नदी तटीय क्षेत्रका होटल, रेष्टुराँ तथा घरहरु डुबानमा परेका छन् । नदी छेउमा रहेका सुकुमबासीका बस्तीहरुमा पनि नारायणी नदीको बाढी पसेको छ । 

नारायणी नदीको खतराको तह आठ मिटर र बहाव नौ हजार ९९२ घनमिटर प्रतिसेकेण्ड रहेको छ । यसको चेतावनी तह ७ दशमलव ३ मिटर र आठ हजार ४६० घनमिटर प्रतिसेकेण्ड रहेको छ । 

भरतपुर महानगरपालिकाको वडा नम्बर २, ३, १६, २६, २७, २९ मा नारायणी नदीको पानी पसेपछि त्यहाँको बस्ती स्थानान्तरण गरिएको छ ।