‘कोरोना खोपको परीक्षण सफल भयो’ : रुसी विश्‍वविद्यालय

मस्को । रुसले कोरोना भाइरस (कोभिड–१९) विरुद्धको खोपको परीक्षण सफल भएको दाबी गरेको छ । रुसको सेचनोव विश्वविद्यालयले कोभिड(१९ विरुद्धको खोप स्वयंसेवकमा परीक्षण गर्दा सफल भएको दाबी गरेको हो ।

रुसी समाचार संस्था ताससँग कुरा गर्दै प्रमुख अनुसन्धानकर्ता इलिना स्मोलयारचुकले परीक्षणमा खोप प्रभावकारी देखिएको दाबी गरेकी छिन् । उनले ताससँगको कुराकानीमा भनेकी छिन्, ुसोध पूरा भएको छ र यसबाट खोप पूर्ण रुपमा सुरक्षित रहेको पनि प्रमाणित भएको छ ।

 उनका अनुसार खोप परीक्षण गरिएका स्वयंसेवकहरुलाई १५ जुलाईदेखि २० जुलाईसम्ममा डिस्चार्ज गरिनेछ । इलिना सेचनोव विश्वविद्यालयको सेन्टर फर क्लिनिकल रिसर्च अन मेडिकेसन्सकी प्रमुख हुन् । विश्वविद्यालयबाट डिस्चार्ज गरिए पनि स्वयंसेवकहरु आफूहरुको निगरानीमा रहने उनले बताइन् ।

विश्वविद्यालयले जुन १८ मा १८ जना स्वयंसेवकलाई कोभिड(१९ विरुद्धको खोप लगाएको थियो भने २३ जुनमा अन्य २० जनाको समूहमा परीक्षण गरेको थियो । विश्वविद्यालयले खोपको सफल परीक्षण भएको दाबी गरेसँगै भारतस्थित रुसी दूतावासले ट्वीटमार्फत कोभिड(१९ विरुद्ध विश्वकै पहिलो खोपको सफल परीक्षण भएको उल्लेख गरेको छ । कान्तिपुर दैनिकमा खबर छ । कान्तिपुर दैनिकमा खबर छ ।