काठमाडौँ । मनसुन सुरु भएपछि हालसम्मको एक महिनामा नेपालमा बाढी र पहिरोबाट ५२ जनाको मृत्यु भइसकेको छ ।
नेपालमा मनसुन सुरु भएको करिब एक महिनाभित्र शनिवार बिहानसम्म बाढी र पहिरोबाट ५२ जनाको मृत्यु भएको पुष्टि भइसकेको अधिकारीहरूले जनाएका छन् । देशका कतिपय स्थानमा गएका पहिरोमा परेर बेपत्ता हुनेहरूको सङ्ख्या बढिरहेकाले यो सङ्ख्या वृद्धि हुनसक्ने अधिकारीहरूको भनाइ छ ।
यो अवधिमा पहिरोमा परेर सबैभन्दा धेरै ५० जनाको ज्यान गएको छ भने बाढीमा परेर दुई जनाको ज्यान गएको छ । मृतकहरूमा पुरुषको सङ्ख्या २९ रहेको छ भने महिलाको १८ रहेको छ। पाँच जना मृतक पुरुष वा महिला को थिए भन्ने नखुलेको बताइएको छ । बाढी र पहिरोमा परेर हालसम्म ३२ जना बेपत्ता भएका छन् भने घाइतेको सङ्ख्या ५४ रहेको छ ।
गृह मन्त्रालय अन्तर्गतको राष्ट्रिय आपत्कालीन कार्यसञ्चालन केन्द्रका अनुसार नेपालमा गत जेठ ३१ गते मनसुन सुरु भएयता शनिवार बिहानसम्ममा बाढी र पहिरोका १ सय ५८ वटा घटनाको जानकारी हुन आएको छ । ती घटनाबाट २ सय ३६ परिवार प्रभावित भएका छन् ।
केन्द्रका उपसचिव मुरारी वस्तीले देशभरिका नदीहरूमा अहिले पानीको सतह बढिरहेको र विभिन्न स्थानमा थप पहिरो गएको जानकारी आएको बताए । उनका अनुसार देशका प्रमुख राजमार्गहरूमा पनि बाढी र पहिरोका कारण अवरोधहरू भएका विवरण आएका छन् । उनले भने, "हामीले पानीको सतह बढेको र पहिरोको जोखिम क्षेत्रका प्रमुख जिल्ला अधिकारीहरू सहित स्थानीय सरकारका प्रमुखहरूलाई पनि सतर्क रहन भनेका छौँ। उहाँहरू पनि सतर्क अवस्थामा हुनुहुन्छ ।"
प्रतिक्रिया दिनुहोस
सफल खबर संवाददाता
शनिबार, २७ असार २०७७, १३ : ३७
लेखकबाट थप
सम्बन्धित समाचारहरु
मनसुन अवधिमा ९२ जनाको मृत्यु, ३० बेपत्ता
मनसुन आजदेखि पूर्णरुपमा बाहिरिँदै
बाहिरिन सुरु भयो नेपालबाट मनसुन
बर्खायाममा कस्तो खानेकुरा खाने ?
मनसुनको समयमा पनि तातो हावाको लहर फैलिन सक्ने
नेपाल भित्रियो मनसुन, देशभर फैलिन केही दिन लाग्ने