मन्त्रिपरिषद बैठकमै बिरामी परेका आइभरीकोष्टका प्रधानमन्त्री कोलाबालीको निधन

एजेन्सी ।  मन्त्रीपरिषद् बैठकमा बिरामी परेका आइभरीकोस्टका प्रधानमन्त्री एमाडोउ गन कोलाबालीको निधन भएको छ ।
मन्त्रीपरिषद् बैठकको क्रममा बिरामी परेका ६१ वर्षका कोलाबालीको उपचारका क्रममा अस्पतालमा बुधबार दिउँसो मृत्यु भएको हो । गएको मे २ मा उपचारका लागि फ्रान्स गएका उनी  दुईमहिनापछि गत विहीबार स्वदेश फर्किएका थिए ।

सत्तारुढ पार्टीले राष्ट्रपति चुनावका उम्मेदवार बनाउने घोषणा गरेका कोलाबालीको निधनले आउँदो अक्टोबरमा हुने भनिएको चुनावमा अनिश्चित भएको छ । गएको बिहीबार स्वदेश फर्किएका उनले देशको विकासलाई निरन्तरता दिने बताएका थिए ।  तर उपचारबाट फर्किएको हप्ता दिनमै उनको निधन भएको हो ।