बाढी र पहिरोका कारण जापानमा १४ जनाको मृत्यु

एजेन्सी । जापानमा लगातारको अविरल वर्षाका कारण बाढी र पहिरो जाँदा १४ जनाको मृत्यु भएको छ । अन्य ९ जना घाईते भएका छन् ।  उक्त बाढी तथा पहिरो जापानको दक्षिणी क्षेत्रमा रहेको आइल्याण्ड क्युशुमा गएको थियो ।

आइल्याण्डमा रहेको केयर होम (ज्येष्ठ नागरिकलाई राख्ने घर) मा बाढी पस्द त्यहां सबैभन्दा बढी क्षति भएको बताइएको छ । त्यो केयर होमबाट १४ जनाको शव निकालिउको छ ।  यस्तै अन्यलाई पहिरोले बगाएको छ । 

स्थानीय अधिकारीले दुई लाख भन्दा बढी मानिसलाई सो क्षेत्रबाट सुरक्षित स्थानमा लैजान आदेश दिएका छन् । उद्धारकर्मीलाई सहयोग गर्नका लागि १० हजार सुरक्षाकर्मी पठाइएको जापानका सञ्चारमाध्यमले जनाएका छन् । आइतबार दिनभर र राति पनि भारी वर्षा हुने मौसमविदले बताएका छन् । प्रधानमन्त्री शिन्जो आबेले मानिसहरुलाई उच्च सतर्क रहन आग्रह गरेका छन् ।