काठमाडौं । वैदेशिक रोजगारीमा गएका तर बिदामा स्वदेश फर्किएका नेपालीहरु पुनः विदेश जान पाउने भएका छन् ।
वैदेशिक रोजगार विभागले मन्त्रिपरिषद्को सोमबारको निर्णय बमोजिम आफ्ना मातहतका कार्यालयलाई त्यस्तो श्रमिकलाई कोभिड–१९ परीक्षण र स्वास्थ्यसम्बन्धी प्रोटोकल पालना गरेर पुनः श्रम स्वीकृति दिन निर्देशन दिएको हो ।
त्यस्तै, करार अवधि सकिएर पुनः करार नबीकरण गरेका र भिसाको म्याद समेत थप भएका व्यक्तिले समेत निवेदन दिएमा कोभिड–१९ परीक्षण र स्वास्थ्यसम्बन्धी प्रोटोकललाई पालना गर्दै पुनः श्रम स्वीकृति दिन भनिएको छ ।
कोरोना माहामारीका बीच पनि कतिपय देशमा लकडाउन नभएको र उद्योगहरु चलिरहेको अवस्थामा पहिले गएर फर्केकाहरुलाई पुनः श्रम स्वीकृति दिन थालिएको हो । कतिपय कम्पनीबाट कामदारको माग भइ आएको र पहिले नै कागजात तयार भइसकेकाहरुका लागि श्रम स्वीकृति दिन थालिएको विभागले जनाएको छ ।
प्रतिक्रिया दिनुहोस
सफल खबर संवाददाता
विहीबार, १८ असार २०७७, १३ : ४७
लेखकबाट थप
सम्बन्धित समाचारहरु
वैदेशिक रोजगारीमा जाने चितवनबाट धेरै
श्रम स्वीकृति लिएर वैदेशिक रोजगारीमा जानेको सङ्ख्या घट्यो
वैदेशिक रोजगारीका लागि विदेश जानेको संख्यामा निरन्तर गिरावट
जर्मन र कोरियामा रोजगारीको सूचना प्रकाशित गरी युवालाई ठगी
वैदेशिक रोजगारीका क्रममा रोल्पाका ३९ जनाको मृत्यु
वैदेशिक रोजगारीमा छ महिना काम गरेर फर्किएका नेपालीले मात्र दुई वटा फोन ल्याउन पाउने