एजेन्सी । भारतमा चट्यांगले एकै दिन १०७ जनाको ज्यान लिएको छ । बिहीबार बिहारमा ८३ तथा उत्तर प्रदेशमा २४ जनाको चट्यांगका कारण निधन भएको भारतीय सञ्चारमाध्यमहरुले उल्लेख गरेका छन् ।
अझै पनि क्षतिको विवरण संकलन भइरहेकाले ज्यान गुमाउनेको संख्या बढ्न सक्ने बिहारको विपद प्रबन्ध विभागका मुख्य सचिव प्रत्यय अमृतले जानकारी दिएका छन् । । अबको केही दिन चट्यांगसहित वर्षाको सम्भावना रहेकाले सचेत हुन मौसम विभागले आग्रह गरेको छ । अबको तीन दिन बिहारका विभिन्न जिल्लामा भारी वर्षा हुने सम्भावना छ ।
यस्तै उत्तर प्रदेशमा पनि ज्यान गुमाउनेको संख्या बढ्न सक्ने बताइएको छ । सो क्षेत्रमा पनि भारी वर्षासहित चट्यांग पर्न सक्ने भएकाले सावधान रहन भनिएको छ ।
प्रतिक्रिया दिनुहोस
सफल खबर संवाददाता
शुक्रबार, १२ असार २०७७, ०९ : ५२
लेखकबाट थप