हतियार खोस्ने प्रयासपछि प्रहरीको गोली लागेर एक भारतीय नागरिकको मृत्यु

सफल खबर संवाददाता

शुक्रबार, ३० जेठ २०७७, ११ : ५३
हतियार खोस्ने प्रयासपछि प्रहरीको गोली लागेर एक भारतीय नागरिकको मृत्यु

काठमाडौँ । भारतीय नाकाबाट जर्बजस्ती नेपाल प्रवेश गर्न खोज्दा झडपको क्रममा प्रहरीको गोली लागेर एकजना भारतीयनागरिकको मृत्यु भएको छ । 

सर्लाही स्थित नेपाल भारत सीमा क्षेत्रबाट जर्बजस्ती नेपाल तर्फ प्रवेश गर्न खोज्दा दुवै पक्ष बिच झडप भएको थियो । सो झडपको क्रममा भारतीय नागरिकले हतियार नै खोस्न प्रयास गरेपछि सिमा सुरक्षामा खटिएका शसस्त्र प्रहरीले गोली चलाएको थियो । सोही क्रममा परिचय नखुलेका एकजना  भारतीय नागरिक मृत्य भएको हो । 

प्रहरीका अनुसार झडपमा सशस्त्र प्रहरीका तीनजना र भारतीय नागरिक तीनजना गरी ६ जना घाइते भएका छन् । सर्लाहीका प्रमुख जिल्ला अधिकारी मोहनबहादुर जिसीले अनाधिकृत रुपमा नेपाल छिर्ने खोज्ने व्यक्तिहरुलाई सुरक्षाकर्मीले रोक्न खोज्दा झपड भएको बताए ।

‘अनाधिकृत रुपमा प्रवेश गर्नेलाई सुरक्षाकर्मीले रोक्दा त्यसक्रममा  सुरक्षाकर्मीलाई हातपात गर्दै हतियार खोसेपछि प्रहरीले फायरिंग गरेको हो’ प्रमुख जिल्ला अधिकारी जिसीले भने । उनले भारतीय नागरिकले खोसेको हतियार पछि सुरक्षाकर्मीले फिर्ता लिन सफल भएको बताए । सुरक्षामा खटिएका तीनजना शसस्त्र प्रहरीलाई पनि चोटपटक लागेको उनले बताए ।
 

प्रतिक्रिया दिनुहोस