काठमाडौं । नेपालगञ्जको कोरोना सङ्क्रमित टोलका रुपमा चिनिएको जोलाहनपूर्वाका सङ्क्रमित सबै जनाले कोरोनालाई पराजित गरेका छन् ।
नेपालगञ्ज उपमहानगरपालिका वडा नं ८ स्थित यहाँका सङ्क्रमित सबै २४ जना कोरोना पराजित गरी घर फर्किएका छन् । बाँकेको खजुरास्थित कोरोना विशेष आइसोलेशन अस्पतालमा उपचार गराइरहेका ३६ वर्षीय एक पुरुषको दोस्रो रिपोर्ट आज नेगेटिभ आएसँगै जोलाहनपूर्वाका सबै जना निको भई घर फर्किएका छन् ।
यसअघि २३ जना निको भएर घर फर्किसकेका छन् । नेपालगञ्ज ७ का पहिलो सङ्क्रमितसहित नेपालगञ्जका २५ जनाले कोरोनामाथि जीत हासिल गरेको जिल्ला स्वास्थ्य कार्यालय बाँकेका कोरोना फोकल पर्सन नरेश श्रेष्ठले जानकारी दिनुभयो ।
एकैपटक ठूलो सङ्ख्यामा टोलवासीलाई कोरोना सङ्क्रमण हुँदा त्रसित हुन पुगेका जोलाहनपूर्वावासीमा सबै निको भएर घर फर्किँदा अहिले खुशीयाली छाएको स्थानीय अगुवा समस्ुद्दिन सिद्दिकीले जानकारी दिनुभयो । यहाँ उपचारपछि निको भएर घर फर्किएका सङ्क्रमितको सङ्ख्या २८ पुगेको छ । दाङको बेलझुण्डीस्थित कोरोना विशेष अस्पताल दाङबाट शुक्रबार मात्रै तीन जना निको भई घर फर्किएका छन् ।
नरैनापुरका आठ जनालाई उपचारका लागि दाङ पठाइएकोमा तीन युवा निको भई घर फर्किएको जिल्ला स्वास्थ्य कार्यालयका फोकल पर्सन श्रेष्ठले जानकारी दिनुभयो । त्यहाँ नरैनापुरका अन्य पाँच जनाको उपचार भइरहेको छ ।
प्रतिक्रिया दिनुहोस
रासस
शनिबार, १७ जेठ २०७७, २० : ४४
लेखकबाट थप
सम्बन्धित समाचारहरु
हावाबाट कोरोना फैलिएको विश्व स्वास्थ्य संगठनको स्विकारोक्ति
कोरोना भाइरसविरुद्धको खोप विसर्जन गरिँदै
नेपालमा कोभिडको नयाँ भेरियन्ट नभित्रिएको स्वास्थ्य मन्त्रालयको भनाइ
भारतको ११ राज्यमा फैलियो कोरोना भाइरसको नयाँ भेरियन्ट
भारतमा भेटियो कोरोनाको नयाँ भेरियन्ट
कोरोना भाइरसविरुद्धको ४० लाख मात्रा डोज खोप खेर जाँदै