काठमाडौँ । सरकारले नेपाल – भारत पारवहन तथा वाणिज्य सन्धि पुनरावलोकन गरी नेपाली वस्तुको निर्यात गर्ने भएको छ ।

राष्ट्रपति विद्यादेवी भण्डारीले शुक्रबार सरकारको नीति तथा कार्यक्रम संसदमा प्रस्तुत गर्ने क्रममा त्यस्तो जानकारी दिएकी हुन् ।

उनले बंगलादेश र भुटानसँग पनि व्यापार सम्झतौ गरिने बताएकी छन् । छिमेकी मुलुक चीनसँगको पारवहन सुविधाको उपभोग गरी चिनियाँ बन्दरगाहहरुबाट तेस्रो मुलकसँगको व्यापार विस्तार गरिने उनको भनाइ छ ।