काठमाडौं । नेपाल कम्युनिस्ट पार्टी (नेकपा)का अध्यक्ष पुष्पकमल दाहाल ‘प्रचण्ड’को ५१आँै वैवाहिक वर्षगाँठका अवसरमा नातिनी तथा गायिका स्मिता दाहालले मानसिक रोगीलाई आश्रय दिइरहेको कैलालीको बर्दगोरिया गाउँपालिकामा रहेको सहारा घरलाई सहयोग गर्नुभएको छ ।
गायिका दाहालले कैलालीका पत्रकार प्रकाश मिश्रमार्फत आज हजुरबुबाको वैवाहिक वर्षगाँठको अवसर पारेर सहारा घरलाई रु ५१ हजार बराबरका लत्ताकपडा तथा खाद्यान्न सहयोग गर्नुभएको हो । केही समय पहिले एक साङ्गीतिक कार्यक्रममा कैलाली आउँदा कुनै दिन समय मिलाएर सहारा घरलाई सहयोग गर्ने प्रतिबद्धता गरेर जानुभएकी गायिका दाहालले हजुरबुबाको वैवाहिक वर्षगाँठको अवसर पारेर पठाउनुभएको सहयोग प्रदान गर्न पाउँदा खुशी लागेको पत्रकार मिश्रले बताउनुभयो ।
विभिन्न ठाउँका सडकबाट ल्याइएका ७३ जना मानसिक रोगीलाई आश्रय प्रदान गरिरहनुभएका सहारा घरका सञ्चालक बलबहादुर विष्टले गर्मीको समयमा लगाउन मिल्ने ट्राउजर, टिसर्ट तथा खाद्यान्नमा दाल, चामल, तेल, नुन, भटमास प्रदान गर्नुभएकोमा गायिका दाहाललाई धन्यवाद दिनुभयो ।
प्रतिक्रिया दिनुहोस
सम्बन्धित समाचारहरु
ड्राफ्ट तयार भइसकेको छ, परम्परागतभन्दा पृथक् बजेट ल्याउँदैछौँ : प्रधानमन्त्री प्रचण्ड
सदन अवरुद्ध भए सरकारले जिम्मा लिनुपर्छ : काँग्रेस
प्रधानमन्त्रीद्वारा गोरखा दरबारमा बहुमूल्य धातु क्वार्ज क्रिस्टल प्रतिस्थापन
राष्ट्रिय समझदारीअनुसार शान्ति प्रक्रिया टुङ्गो लाग्छ : प्रधानमन्त्री प्रचण्ड
प्रदेशको भागबण्डाको विषयमा कुरा मिलिसकेको छैन : प्रचण्ड
प्रधानमन्त्री अस्थिरताको पक्षमा रहेको प्रदीप पौडेलको दाबी