नारायण शर्मा
नवलपरासी । अघिल्लो साता पश्चिम नवलपरासी स्थित रामग्राम नगरपालिकामा बिपन्न परिवारलाई बितरण गरिएको खाद्य सामाग्री गुणस्तरहिन भेटिएपछि अन्तियार दुरुपयोग अनुसन्धान आयोगले छानविन थालेको छ ।
रामग्राम नगरपालिकाले त्यहाका २३ सय घरपरिवारलाई राहत भन्दै खरिद गरेको १० लाख मुल्य बराबरको खाद्यान्न सामाग्री सरकारले तोकेको मापदण्ड भन्दा न्यूनगुणस्तरको रहेको समाचार प्रकासनमा आएपछि अन्तियारले छानविन थालेको हो ।
अख्तियार दुरुपयोग अनुसन्धान आयोग बुटवलका प्रबक्ता सुरेश भुसालले त्यहा बितरित राहतमा घोटला गरेर गुणस्तरहिन खाद्यान्न बितरण गरेको भन्ने सूचनाका आधारमा ४ दिनदेखि अनुसन्धान थालेको जानकारी दिए । अख्तियारले खाद्यान्न खरिद ,निर्णय र टेण्डर प्रकृयाका सबै कागजात नियन्त्रणमा लिएर अनुसन्धान थालेको हो । बितरित खाद्य सामाग्रीको स्याम्पल जाच गरिएको र गुणस्तरहिन भेटिएकाले र चाडै कारबाहि अघि बढने जानकारी दिए । उनले त्यहा अखाद्य खाद्यान्न बितरण भएको पाइएकाले निर्णय प्रकृयामा सामेल सबैलाई भ्रष्टाचार मुद्धा चलाउने जानकारी दिए ।
रामग्राम नगरपालिकाले परासीकै राजेश राइस मिलवाट १० लाखमा २ सय ५० क्विण्टल चामल खरिद गरेर बिपन्नलाई बितरण गरेको थियो । चामल प्रति किलो ४० का दरमा खरिद गरिएको हो ।
यता खाद्य प्रबिधि तथा गुणनियन्त्रण कालर्यलय भैरहवा र गुणस्तर तथा नाप तौल कार्यलयले समेत त्यहा छानविन गर्दा सरकारले तोकेको भन्दा न्यून गुणस्तरको खाद्यान्न समाग्री बितरण गरेको पुष्टि भएको भन्दै ३ दिन भित्र मुद्धा चलाउने जानकारी दिएको छ ।
प्रतिक्रिया दिनुहोस
सफल खबर संवाददाता
आइतबार, ०७ बैशाख २०७७, १९ : १९
लेखकबाट थप
सम्बन्धित समाचारहरु
सोलुखुम्बु मालपोतका तत्कालीन खरिदार र नापीका अमिनसहित १० जनाविरुद्ध भ्रष्टाचार मुद्दा
प्रमुख प्रशासकीय अधिकृतसहित ७ जनाविरुद्ध भ्रष्टाचार मुद्दा
सामाजिक विकास कार्यालय डोल्पाका तत्कालीन प्रमुखसहित पाँच जनाविरुद्ध भ्रष्टाचार मुद्दा
लुम्बिनी विकास कोषका योजना प्रमुखसहित दुई जनाविरुद्ध भ्रष्टाचार मुद्दा
वाइडवडी प्रकरणमा पूर्वमन्त्री र सचिवसहित ३२ जनाविरुद्ध भ्रष्टाचार मुद्दा
विद्यालयका तत्कालीन लेखापाल र व्यवस्थापन समितिका अध्यक्षविरुद्ध भ्रष्टाचार मुद्दा दायर