काठमाडौँ । कोरोना भाइरस (कोभिड १९) को संक्रमण पुष्टि भएका धादिङका युवा आएको विमानमा १ सय ७० जना यात्रु रहेको खुलेको छ । धादिङका ३२ वर्षे युवामा कोरोना भाइरसको संक्रमण पुष्टि भएपछि उनलाई टेकू अस्पतालको आइसोलेसनमा राखिएको छ ।
उनी चैत ६ गते दुबईबाट शारजहाँहुँदै काठमाडौँ आएका थिए । उनी आएको विमानमा १ सय ७० जना यात्रु रहेको खुलेको र उनीहरुको पहिचान गरी क्वारेन्टाइनमा राख्ने तयारी भएको छ ।
स्वास्थ्य मन्त्रालयका अनुसार ती युवक एयर अरेबियाको फ्लाइट नम्बर जी ९ ५३७ नम्बरबाट युएईको शारजहाँ विमानस्थलबाट चैत ६ गते बेलुका काठमाडौँ आएका हुन् । जहाज बेलुका १० बजेर ९ मिनेट जाँदा त्रिभूवन विमानस्थलमा अवतरण भएको थियो।
उनी चैत ६ गते राति राजधानीको एक होटलमा बसेका थिए भने १० गते अस्वस्थ महसुस भएपछि परीक्षणका लागि टेकू अस्पताल पुगेका थिए। मंगलबार राति उनलाई संक्रमण भएको टेकु अस्पतालले पुष्टि गरेको थियो ।
प्रतिक्रिया दिनुहोस
सम्बन्धित समाचारहरु
हावाबाट कोरोना फैलिएको विश्व स्वास्थ्य संगठनको स्विकारोक्ति
कोरोना भाइरसविरुद्धको खोप विसर्जन गरिँदै
नेपालमा कोभिडको नयाँ भेरियन्ट नभित्रिएको स्वास्थ्य मन्त्रालयको भनाइ
भारतको ११ राज्यमा फैलियो कोरोना भाइरसको नयाँ भेरियन्ट
भारतमा भेटियो कोरोनाको नयाँ भेरियन्ट
कोरोना भाइरसविरुद्धको ४० लाख मात्रा डोज खोप खेर जाँदै