इटालीमा एकैदिन २५० को मृत्यु, अमेरिकामा ५० को ज्यान गयो

काठमाडौं । चीनमा कोरोना भाइरसको संक्रमण नियन्त्रणको दिशातिर जाँदा इटालीमा अझै भयावह अवस्था छ । चीनको उहानबाट सुरु भएको यो भाइरसको संक्रमण अहिले विश्वव्यापि बनेको छ भने विश्व स्वास्थ्य संगठनले महामारीको घोषणा गरिसकेको छ ।

हालसम्म ३ हजार १८९ जनाको मृत्यु भएको चीनमा अहिले ११ वटामात्रै नयाँ केस देखिएको छ । यता इटालीमा एकैदिन २५० जनाको मृत्यु हुँदा इरानमा पनि ८५ जनाको मृत्यु भएको छ ।

अहिलेसम्म इटालीमा १२६६ जनाको मृत्यु हुँदा इरानमा ५१४ जनाको मृत्यु भइसकेको छ । यता अमेरिकामा पनि ५० जनाको मृत्यु भएको छ । एजेन्सी