कञ्चनपुर । यहां स्थित शुक्लाफाँटा नगरपालिका–४ असैनामा रहेको कुखुरा फार्ममा आगलागी हुँदा रु १० लाख बढीको क्षति भएको छ ।
स्थानीयवासी कृष्णा भण्डारीले सञ्चालन गर्दै आउनुभएको फार्ममा शनिबार विद्युत् सर्ट भएर आगलागी हुँदा बेच्न तयारी अवस्थाका राखिएका चार हजार कुखुरा र तीन हजार चल्ला जलेर नष्ट भएको छन् ।
कमाइ खाने सहारा फार्म थियो उहाँले भन्नुभयो, “जलेपछि निकै ठूलो घाटा व्यहोर्नुपरेको छ, पुनः फार्म सञ्चालन गर्ने पूँजी छैन, परिवारको खर्च केले चलाउने भन्ने पिरलो छ ।” आगो स्थानीय बासिन्दा, दमकल र प्रहरीको सहयोगमा नियन्त्रणमा आएको थियो ।
भण्डारीले सात वर्षदेखि सो व्यवसाय गर्दै आउनुभएको थियो । नगरप्रमुख दिलबहादुर ऐरलगायतका जनप्रतिनिधिले फार्मको अनुगमन गरी क्षतिपूर्तिका लागि पहल गर्ने अश्वासन दिनुभयो । (रासस)
प्रतिक्रिया दिनुहोस
सम्बन्धित समाचारहरु
चार वर्षमा आगलागीबाट कर्णालीमा ५५ जनाको मृत्यु
उदयपुरको रौतामा आगलागी, ५० लाखको क्षति
मटिहानी आगलागी ६ घण्टापछि नियन्त्रण, सय घर जलेर सखाप
बिहे घरमा आगलागी हुँदा दुई जना घाइते, ६ लाखको क्षति
तनहुँका २३ सामुदायिक वनमा लागेको डढेलो नियन्त्रणमा
बागलुङमा ३८ वनमा आगलागी: १५ वनको आगो नियन्त्रण बाहिर