सवारी दुर्घटनामा एकको ज्यान गयो

पोखरा । पोखरा महानगरपालिका ५ जिरो कि.मि.मा सवारी दुर्घटनाबाट एक जनाको मृत्यु भएको छ । अन्दाजी ४ बजेर ३० मिनेट जाँदा ग १ ज ४०९७ नम्बरको नम्बरको ट्याक्सीले विपरित दिशाबाट आउँदै गरेको ग १० प २५५५ नम्बरको मोटरसाइकललाई ठक्कर दिँदा मोटरसाइकलमा सवार एकको भएको हो । 

मृत्यु हुनेमा दार्चुला घर भई हाल पोखरा महानगरपालिका ६ खहरे बस्दै आएका अन्दाजी ३५ वर्षिय पदमसिंह दडाल रहेको प्रहरीले खुलाएको छ । मोटरसाइकल चालक काभ्रे घर भई पोखरा ८ न्युरोड बस्दै आएका २४ वर्षिय आशिष भुजेको उपचार भई रहेको प्रहरीले जनाएको छ । 

ट्याक्सी चालकलाई नियन्त्रणमा लिएर थप अनुसन्धान भई रहेको प्रहरीले जनाएको छ ।