काठमाडौं । राष्ट्रपतिले सम्वैधानिक अंगका पदाधिकारी, प्रधानमन्त्री, मन्त्रीहरुलाई सपथ खुवाउने सम्वैधानिक ब्यवस्था छ । राजपा संसदीय दलका नेता महन्थ ठाकुर अहिले कुनै त्यस्तो राजकीय पदमा छैनन । तर पनि उनलाई राष्ट्रपतिबाट सपथ खुवाउने तयारी शुरु भएको छ ।
अखिर किन ?
आम मानिसलाई जिज्ञासा लाग्न सक्छ । तर उपसभामुख शिवमाया तुम्बाहाम्फेले पनि पदवाट राजीनामा दिएको खण्डमा सभामुख र उपसभामुख दुवै नरहेको अवस्थामा संसद बैठकको जेष्ठ सदस्यका रुपमा अध्यक्षता गर्न राष्ट्रपतिवाट सपथ गराउनु पर्ने संसद सचिवालयले निस्र्कष निकालेपछि ठाकुरलाई सपथ खुवाउने तयारी भएको हो ।
प्रतिनिधीसभामा सबैभन्दा जेष्ठ सदस्य ठाकुर नै छन् । नागरिकता अनुसार राजपाकै अहिलेका अध्यक्ष मण्डलका संयोजक महेन्द्रराय यादव जेष्ठ सदस्य हुन् । तर नागरिकतामा उनको जन्ममिति गलत रहेका कारण ७५ वर्षिय महन्थ ठाकुर सबैभन्दा जेष्ठ सदस्य हुन् ।
महेन्द्र राय यादव संसद बैठकमा नआउने र ठाकुरले जेष्ठ सदस्यका रुपमा बैठकको अध्यक्षता गर्ने यस अगाडी पनि भएकोले आज पनि उपसभामुखले राजीनामा दिएमा सम्भवतः यही प्रक्रिया अगाडी बढाएर संसद बैठक सञ्चालनको तयारीमा संसद सचिवालय छ ।
संविधान अनुसार सभामुख र उपसभामुख एकै दलका ब्यक्ति निर्वाचित हुन नपाउने ब्यवस्था रहेका कारण नेकपाले सभामुखमा उम्मेदवारी दिन पार्टी स्थायी समिति सदस्य अग्नि सापकोटालाई उम्मेदवार बनाईसकेको अवस्थामा उपसभामुख शिवमाया तुम्बाहाम्फेले राजीनामा दिनुपर्ने हुन्छ । तर यो समाचार तयार पार्दासम्म उनले राजीनामा दिईसकेकी छैन ।
संसद बैठक आजै दिउँसो १ बजेका लागि बोलाईएको छ । उनले राजीनामा दिएमा बैठकको अध्यक्षता गर्ने जेष्ठ सदस्य महन्थ ठाकुरले राष्ट्रपतिबाट सपथ लिएर मात्र बैठकको अध्यक्षता गर्न पाउने गरी संसद सचिवालयले तयारी गरेको छ । यसो हुँदा १ वजे बोलाईएको संसद बैठक केही ढिलो हुन सक्ने सम्भावना रहेको सचिवालय स्रोतले बताएको छ ।
आइतबार संसद सचिवालयका पदाधिकारीहरुको बैठकले जेष्ठ सदस्यको अध्यक्षता गर्ने सांसदले राष्ट्रपतिबाट सपथ लिनुपर्ने निश्र्कष निकालेको थियो । सोही आधारमा राष्ट्रपति कार्यालयलाई पनि यो सूचना पुगिसकेको स्रोत बताउँछ ।
प्रतिक्रिया दिनुहोस
सफल खबर संवाददाता
सोमबार, ०६ माघ २०७६, १० : ५८
लेखकबाट थप
सम्बन्धित समाचारहरु
राजेन्द्र महतो पार्टीबाट बाहिरिँदा कुनै असर परेको छैन : महन्थ ठाकुर
संसदमा कामकाजभन्दा गत्यावरोध बढेको छ : महन्थ ठाकुर
लोसपाको पदाधिकारी बैठक भोलि बस्ने
महन्थ ठाकुरद्वारा दाहालको निधनप्रति दुःख व्यक्त