नेकपाको सचिवालय बैठक शुरु

काठमाडौँ । राष्ट्रियसभा सदस्यको निर्वाचनका लागि उम्मेदवार चयन गर्न नेपाल कम्युनिष्ट पार्टी (नेकपा) को सचिवालय बैठक प्रधानमन्त्री निवास बालुवाटारमा शुरु भएको छ ।

बिहिवार राती प्रधानमन्त्री निवास बालुवाटारमा बसेको बैठकले कुनै निर्णय लिन नसकेपछि आज पुनः बैठक बसेको हो । नेकपाका प्रवक्ता नारायणकाजी श्रेष्ठका अनुसार आजको बैठकले राष्ट्रियसभा सदस्यको उमेद्वार छनोटमा गर्ने सम्भावना छ । बैठकमा सभामुखको उमेद्वार छनोटका विषयमा समेत छलफल हुने जनाइएको छ । सभामुखको टुङगो नलगाउँदा संसद बैठक पनि पटकपटक स्थगित हुँदै आएको छ । 

राष्ट्रियसभाको १८ सिटमा यसपटक निर्वाचन हुने छ । यसअघि नेकपाले दुई सिट राष्ट्रिय जनता पार्टी (राजपा)लाई दिने सहमति गरिसकेको छ । त्यसैले नेकपाले १६ सिटका लागि उम्मेदवार चयन गर्ने छ ।यही पुस २० गतेभित्रमा उमवार छनोट भइसक्नुपर्ने छ ।

आगामी माग ९ गते राष्ट्रिय सभाको निर्वाचन हुँदैछ । यता सभामुखमा भने सुवास नेम्वाङ र अग्नी सापकोटाको चर्चा छ ।