हतियारधारी सुरक्षाकर्मीले संकटकाललाई बिर्साउने गरी आफ्ना कार्यकर्ता गिरफ्तार गर्यो : नेकपा (विप्लब)

काठमाडौँ । विप्लव नेतृत्वको नेकपाले सरकारमाथि हतियारधारी सुरक्षाकर्मीले संकटकाललाई बिर्साउने गरी आफ्ना कार्यकर्ता गिरफ्तार गरेको आरोप लगाएको छ ।

सो पार्टीका पूर्वी केन्द्रीय कमाण्डर विषमले विज्ञप्ति जारी गर्दै आफ्नो पार्टीका केन्द्रीय सदस्य तथा मेची–कोशी व्युरो इन्चार्ज उमा भुजेलसहित मेची–कोशी व्युरो सचिव सुमन सिंह, मोरङ जिल्ला इन्चार्ज नरेश चौलागाई लगायत ९ जनालाई सुनसरी र मोरङबाट गिरफ्तार गरिएको उल्लेख गरेका छन् ।

पार्टी कामको सिलसिलामा रहेका बेला आफ्ना पार्टीका नेता तथा कार्यकर्तालाई हतियारधारी सुरक्षाकर्मीले गिरफ्तार गरेकोले उक्त रवैयाको घोर भत्र्सना र निन्दा गरेको विज्ञप्तीमा उल्लेख छ । विज्ञप्तीमा गिरफ्तार गरिएका कमरेडहरुलाई विना शर्त रिहाइको माग गर्दै रिहा नगरे त्यसबाट निस्कने परिणामको जिम्मेवार स्वयं सरकार हुने उल्लेख गरिएको छ ।