‘बैंक लुटेको रकम सर्वसाधारणलाई बाँडियो’

(एजेन्सी) । अमेरिकाको कोलोराडोमा क्रिसमसको अवसरमा एक व्यक्तिले बैंक लुटेर संकलन गरेको पैसा मानिसहरुलाई बाँड्ने प्रयास गरेका छन् । प्रहरीका अनुसार डकैती गरेपछि उनीहरुले सो बैंक बाहिर निक्लेर लुटेका पैसा सडकबाट हावामा उडाएका थिए । रकम उडाउदैं ति बैंक लुटेराहरुले राति नै कराउँदै क्रिसमसको शुभकामना  दिएका थिए ।

स्थानिय प्रहरीले चोरीमा संलग्न रहेको आरोपमा डेबिड वेन ओलिवरलाई पक्राउ गरेको छ । उनको साथबाट कुनै पनि हतियार बरामद नभएको जनाईएको छ । डेविडले यो काम गत सोमबार गरेका थिए ।  । बैंकका एक प्रत्यक्षदर्शीका अनुसार लुटेराहरु बैंकभित्र पसेर कर्मचारीलाई मार्ने धम्की दिँदै रकम लुटेका थिए ।

रकम लुट्ने क्रममा बैंक भित्र ग्राहकको खासै भिड थिएन् । लुटेराहरुले बैंकबाट कति रकम लिएर गए भन्नेमा बैंकले केही पनि सार्वजनिक गरेको छैन् ।