बसको ठक्करबाट भरतपुरमा एक युवाको मृत्यु

चितवन । बसको ठक्करबाट चितवनको भरतपुरमा एक जनाको मृत्यु भएको छ । मृत्यु हुनेमा राप्ती नगरपालिका १३ बाक्सिलिङका १७ वर्षीय युवा फिलिप प्रजा रहेको जिल्ला प्रहरी कार्यालय चितवनले जनाएको छ । 

भरतपुर महानगरपालिका १ दियालोरोडमा पुलचोकबाट बसपार्क तर्फ जाँदै गरेको ना ४ ख ६३३० नम्बरको बसले प्रजालाई आज विहान ठक्कर दिएको थियो ।

ठक्करबाट गम्भिर घाईते भएका प्रजाको भरतपुर अस्पतालमा उपचारको क्रममा मृत्यु भएकोे प्रहरी नायव उपरिक्षक एक नारायण कोईरालाले बताए । बस र चालक प्रहरीको नियन्त्रणमा रहेको छ ।