Safal Khabar - भारी वर्षापछि भत्किएको संरचनाको कारण भारतमा १७ जनाको मृत्यु
मङ्गलबार, १३ जेठ २०७७ (Tuesday, 26 May, 2020)
विस्तृतमा हेर्नुहोस् »
भारी वर्षापछि भत्किएको संरचनाको कारण भारतमा १७ जनाको मृत्यु
सोमबार, १६ मङि्सर २०७६, १८ : ५५
भारी वर्षापछि भत्किएको संरचनाको कारण भारतमा १७ जनाको मृत्यु

नयाँ दिल्ली । भारतको तमिलनाडु राज्यमा सोमबार भारी वर्षापछि घरका पर्खाललगायतका संरचनाहरु भत्किँदा चार परिवारका कम्तीमा १७ जनाको मृत्यु  भएको छ  ।

भारी वर्षाका कारण सोमबार बिहान ती व्यक्तिहरु सुतिरहेको अवस्थामा घरको पर्खाल भत्किँदा सो दुर्घटना भएको प्रहरीले जनाएको छ ।

भारतीय दक्षिणी राज्य तमिलनाडुको गाउँमा भएको सो घटनामा दुई बालबालिकासहित १७ जनाको मृत्यु भएको जनाइएको छ । मुसलधारे वर्षापछि सो घटना भएको प्रहरी स्रोतले एएफपी समाचार समितिलाई सो जानकारी दिएको छ ।

Yeti Diistillery

स्थानीय समयानुसार सोमबार बिहान ५ः३० बजे सो घटना भएको टाइम्स अफ इन्डिया दैनिकले जनाएको छ । 
भारतमा घरलगायतका संरचना भत्किनु  एक सामान्य घटनाको रुपमा रहेको पाइन्छ । कमजोर संरचनाहरूका कारण यस्तो घटना हुने गरेको विज्ञहरुको भनाई छ । गत जुलाईमा मुम्बईमा भएको यस्तै घटनामा कम्तीमा ३० व्यक्तिको मृत्यु भएको थियो ।  (रासस/एएफपी) 

प्रतिक्रिया दिनुहोस